الذى جعل الإسلام لنا عزا
اليوم 27 نوفمبر
اليوم عيد ميلاد القمورة لينا
لينا عايشة فى فرنسا و كلنا بنقولها
كل سنة و إنت طيبة يا لينا
و هديتى لك هذه المقالة
بصراحة يا لينا كنت ناوى أكلمك عن الدنيا الحلوة الجميلة اللى تشبه
إبتسامتك
و لكنى من كام يوم عمال أسمع أخبار و ألف على المدونات
و بصراحة يا لينا ملقيتش الدنيا زى ما كنت عايز أحكى لك عنها
عارفة ليه ؟
لقيت فيه ناس صغيرين زيك و فى عمرك محرومين من الإبتسامة
لقيت ناس صغيرين زيك و فى سنك مش لاقيين حليب يرضعوه
لقيت ناس صغيرين زيك ما فيش عندهم أمل فى بكرة
لقيت ناس صغيرين زيك ما فيش عندهم فستان حلو زيك
لقيت ناس صغيرين زيك ما يعرفوش الجاتوه و المل فيه
و إيه تانى يا لينا
لقيت ناس صغيرين زيك أبوهم إما سجين أو شهيد أو طريد
لقيت ناس صغيرين زيك عيانين و مش لاقيين دوا
لقيت ناس صغيرين زيك عندهم شفايف بس مش للإبتسام
لقيت ناس صغيرين زيك الدموع حفرت مجارى فى خدودهم
لقيت ناس صغيرين زيك البكاء أصبح أغنيتهم
و إيه تانى يا لينا
لقيتهم بيقولوا ربنا يخلى لينا و يسعدها
إذا هى أرسلت مصاريف عيد ميلادها لإخواتها و إخوانه فى غزة
لقيتهم بيبتسموا لما خطر على بالهم إن لينا العروسة الصغيرة
حتقوم بحملة تبرعات لصالح إخواتها المحاصرين فى غزة
لقيتهم بيضحكوا و هم بيستلموا هداياك يا لينا
و بعدين يا لينا
لسه حتعملى عيد ميلاد و إخواتك بيموتوا من الجوع
لسه يا حبيبتى حتبتسمى و تضحكى ببراءة على الموت اللى
محاصر إخواتك
لا ... لا...لا
أنا عارف إن لينا حتقوم تعمل حملة فى عيد ميلادها و تطالب من
حبايبها إنهم يحولوا الهدايا على غزة
كل أطفال غزة بيدعوا لك يا لينا
كلهم مستنيين هديتك يالينا
معلقة حليب
كوب دقيق
كأس ماء نظيف
علبة فيتامين
أو حتى فستان قديم من لينا
حيفرحوا قوى يا لينا
و كل سنة و إنت طيبة يا لينا
ممكن الكبار يسألوا ليه بتكلم لينا الكلام ده
حرام عليك دى لسه صغيرة
أرد و أقول
الكبار مافيش منهم فايدة خلاص
الأمل فى لينا و اللى زيها
و سامحينى يا لينا حأطلك شوية صور لإخواتك فى فلسطين
خليهم فى بالك دايما يا لينا و حاولى تساعديهم
إنت القلب الطاهر فى عالمنا يا لينا
أخوكى فى غزة يبكى فراق بابا الشهيد
ودول إخوانك بعد القصف الإسرائيلى لبيوتهم
ودول إخوانك مش لاقيين الخبز يا لينا
ودول إخوانك الشهداء يا لينا
وشهيد ثانى يا لينا
وده أخوكى منتظر البابا و الماما ومش ممكن يرجعوا تانى يا لينا
عارفة ليه يا حبيبة عمو
لأن البابا و الماما إستشهدوا
و دول إخواتك البنات يا لينا
لينا العسل سامحى عمو حبيبك
هى دى هديتى يا لينا
و ياريت صورهم تكون دافع لك علشان تكونى بسمة الأمل
ليهم يا لينا
و متنسيش مصاريف عيد ميلادك تبعتيها ليهم يا لينا
أذكر زمان فى أيام حرب أكتوبر 1973 كان عيد ميلاد
توفيق الحكيم كاتب مصر الكبير
و لما جاء أصدقاؤه و بيهنوه
قال لهم مافيش عيد ميلاد السنة دى
قالوا له ليه يا أستاذ
قال لهم إزاى أحتفل بعيد ميلادى و إخوانى لسه على خط النار
و كل سنة و إنت طيبة يالينا
كتبها محمود في 06:44 صباحاً ::
49 تعليق
في27,تشرين الثاني,2007 - 09:10 صباحاً, زهرة النسرين كتبها ...
والله مش عارفة اعلق اقول ايه ..
كلماتك هزت روحي وكسرت ما تبقى من قلبي ..وانا الصراحة مستغربة ذلك ..
لان اخر مرة اهتزت روحي كانت منذ زمن بعيد ..ومن بعدها توقفت عن الحزن او الفرح ..تبلد الاحساس فيا ..
كانت اخر مرة بكيت فيها بحرقة عندما رأيت بكاء هدى غالية ..وكأن دموعها كانت سيفا مسلطا على قلبي وقبلها في اغتيال الطفولة بقتل محمد الدرة والطفلة ايمان وقبلها عند اغتصاب الجيش الامريكي لبغداد ..كنت ابكي بحرقة صبي اغتصبت امه امام عينيه .....وقبلها بكيت وانا طفلة على قتل الاطفال في ملجأ العامرية في العراق ..وقبلها اتذكر بكاء امي في صبرا وشاتيلا ..وأسألها وانا لا اعي ما البكاء لاجل الوطن ..هو في ايه يا ماما ؟؟
وبعدها مللت البكاء والعويل ..لانني ادركت اخيرا ان لن ينفع ولن اصلح شيئا ولو ملئت براميلا من الدمع كبراميل النفط العربي والتي تصرف على ...؟؟؟؟
اقول لينا حبيبتي اعملى عيد ميلادك وافرحي ..لعلك لن تفرحي بعدها حين تعين ما معنى كل ما كتبه لك الغالي محمود ...
وكل سنة وانت طيبة يا لينا ..
وكل سنة واطفال العرب ليس له ثمن ولادية ..
وكل سنة ونحن متبلدوا الحس والمشاعر ...
تحياتي لك استاذ محمود ..
في27,تشرين الثاني,2007 - 09:23 صباحاً, زهرة النسرين كتبها ...
الله يسامحك يا أستاذ محمود رجعتني للمود الوحش تاني ..
يعنى انا قمت الصبح متفائلة ..ودي حاجة معملتهاش من فترة ...
لا واي تاني ..بدندن لنجاة ..يعني والله باقلي سنين ولا سمعت اغنية ولا غنيت اغنية ..
واردد من الصبح ..
بحلم معاك بسفينة..
وبمينا ترسينا..
ونبحر تــــانى ..
الريح تعاند والاقيك ..
فى عنيك وايديك..
شطّى وامــــانى..
خلاص بقى احلام ايه وسفينة ايه ...
رجعتني للواقع المؤلم ربنا يسامحك ..
تحياتي ..
في27,تشرين الثاني,2007 - 09:44 صباحاً, محمود كتبها ...
أختى و إبنتى الغالية
زهرة النسرين
أيتها الوردة الرقيقة
الموضوع بسبب طفلة صغيرة أول مرة تحتفل بعيد ميلادها فى فرنسا
لينا الطفلة العربية البريئة
ممكن هى اللى تفهم اللى ما فهموش الكبار
و تعمل اللى معملهوش الكبار
أختنا الكريمة
مش عيب نغنى و نحلم
المشكلة إنهم خلوا صوتنا مبحوح و أحامنا أحلام العصافير
أشكرك على المتابعة و على الرد الذى إن دل على شئ يدل على عمق التواصل العربى
بين الشعب الواحد
في27,تشرين الثاني,2007 - 11:18 صباحاً, lina azioune كتبها ...
الف شكر لك عمو
تأكد انني لما اكب سأكون
من يكفكف دموع أطفال العالم الأبرياء
ساداويهم
سأتبرع لهم بكل جهدي ووقتي ومالي ان كان لي مال
الف قبلة لك عمو
أنت رائع للغاية
في27,تشرين الثاني,2007 - 12:32 مساءً, الاسكندرانى كتبها ...
عزيزى محمود
أقدر جداً كلماتك الكريمه
ما عن لينا البريئه فلن ننتقص من حقها ونقول لها
كل عام وأ،تى بخير يا لينا وعقبال 100 سنه وإن شاء الله تستطيعى
زياره غزة بعد فتره من الزمن ... غزة التى لن تسقط ولن تنكسر
غزة التى ستتحطم على صخره إرادتها كل المؤامرات ليس إنتهاء بأنابوليس
ولكن حتى تحرير القدس وأقصانا إن شاء الله
كل التقدير أخى محمود ودمت بود
في27,تشرين الثاني,2007 - 12:32 مساءً, نجاح ابو الرب كتبها ...
اخي محمود تعرفت بمدونتك صدفة من خلال تعليقك للزميل الاسكندراني .جيت لأتعرف عليها أكتر وجدتها مدونة رائعة تفيض جمالا وابداعا...للأمانة سعدت بتجوالي بين سطورك..
في27,تشرين الثاني,2007 - 02:08 مساءً, وائل المصري كتبها ...
السلام عليكم
أ.محمود انت كدة احزنتها في يوم مولدها .....
ولكن ...ممكن ان اكون فهمت قصدك من ذلك ..
التذكرة تنفع وعندما نتذكر من هم ليسوا سعداء وقت سعادتنا ممكن ان نستطيع ان نفعل لهم اي شيء
لك مني تحياتي
في27,تشرين الثاني,2007 - 02:23 مساءً, محمود كتبها ...
حبيبى وائل
الرسالة واضحة و صريحة و موجهة للكبار بس بإسم لينا الجميلة
و ياريت تكون قريت تعليقها
أنا بقالى كام يوم ما بنامش بسبب اللى بيحصل فى غزة و أنابوليس المؤامرة
و عد كام يوم عيد ميلاد بنتى
فحكيت لها قصة توفيق الحكيم و حلفت من بعدها إنه مافيش عيد ميلاد و الناس
لسه فيهم جعان و عريان أو طفل مش قادر يدخل المدرسة
مش دى سنة الرسول
ليس منا من نام شبعانا و جاره جائع ( أو كما قال صلى الله عليه و سلم )
هى مسألة مبدأ يا صديقى الغالى
و هذا أقل شئ ممكن نقدمه لفلسطين ألا و هو تجهيز الجيل الطاهر البرئ للتعاون
على البر و التقوى
تحياتى و إحترامى
في27,تشرين الثاني,2007 - 05:45 مساءً, هنا المقاومة كتبها ...
لا اقول الا كما قال سيد المقاومين السيد حسن نصر الله
ان اسرائيل اوهن من بيت العنكبوت
فليفعلوا ما يريدون مع حاميتهم امريكا
سياتي يوم لينطق الحجر ويصرخ للمقاوم ان ورائي صهيوني مختبئ تعال فاقتله
هو وعد الهي والنصر ات ات ات يا صهاينة يا قتلة الانبياء
وكلمة لاذنابكم من حكام العرب الى متى ستختبؤن وراء مذلتكم وتنصاعون وراء وهم السلام
ان اغتصاب فلسطين وقتل اطفالنا وشيوخنا ونساؤنا وخيرة رجالنا وشبابنا لن يذهب دون عقاب للجاني والعميل
ان عراقنا الحبيب لن يتحرر الى بقبضات وصمود واتحاد اهله
فلترحل ايها المغتصب الدنس من ارض الشرف والكرامة
خيبر خيبر يا يهود جيش محمد سوف يعود
اليس الفجر بقريب
يا رجال الاسلام الشرفاء هبوا وانصروا الله فان تنصروه نصركم واللهي ان الله ناصركم ولكن اتكلوا عليه وسلموا امركم له وخافوه ولا تخافوا وتهابوا جيش صهيون فانه اوهن من بيت العنكبوت
فلتكن المقاومة الاسلامية في لبنان عنوان لهزيمة بيت العنكبوت اتم اقوياء واللهي اقوياء
شارك برايك بكل عز وكرامة
واعلن رفضك لمؤتمر الذل
انا بوليس
في27,تشرين الثاني,2007 - 06:30 مساءً, مفتاح الكاديكي كتبها ...
أخى العزيز الأستاذ محمود ..
أود أقول لك وأنا في محارب مدونتك المميزة .. أبدعت يأخى فى هذا الأدراج ..
لقد نقلت لنا الصورة المؤلمة لواقعنا العربي الذي نعيش .. والذي أصبحت فيها
الخيانة وجهة نظر .. ولكن نحن أمة موعودة بالنصر .. والنصر اَت بإذن الله..
دمت بخير ولك منى كل التحايا ...
في27,تشرين الثاني,2007 - 07:03 مساءً, نوافذ العرب كتبها ...
يا أستاذي محمود، لست أدري ما أعلق وما أقول لك على هذه الهدية النادرة!
أنت والله لم تدع لي ما أعبر عنه، لقد ذكرتني بحادثة صلاج الدين الأيوبي وحديث الابتسامة.
حيث أنه كان الرسول صلى الله عليه وسلم حينما يقول ذلك الحديث وينتهي منه يبتسم، حتى سمي ذلك الحديث بحديث الابتسامة، ثم كل من جاء بعد الرسول وذكر ذلك الحديث يبتسم في النهاية، ففي يوم من الأيام ذكر هذا الحديث صلاح الدين الأيوبي رحمه الله، وعندما أنهى من ذلك لم يبتسم،فسأله من كانوا معه، ألم تبتسم يا صلاح؟!!
قال كيف ابتسم والاقصى اسير في يد الصلبيين !!
هذا حالنا اليوم وحال أبناء فلسطين وأبناؤنا في جميع أنحاء العالم.
في27,تشرين الثاني,2007 - 07:14 مساءً, ايمان العرفاوى كتبها ...
كلماتك اوجعتنى اودمت قلبى رغم انها ليست بجديدة للاسف فالقتل والعدوان والذل والظلم والهوان واللانسانية هى هى لم تتغير ولن تتغير
لهم الله لا امل فى حكام وحتى الشعوب نامت
تحياتى
في27,تشرين الثاني,2007 - 08:08 مساءً, المفتكـس كتبها ...
كفاية يا (محمود) .. أرجوك كفاية ...
خلاص قربت أعيط ..
........................................................................................
بس أنا لفت نظري تعليق (لينا) على رسالتك ليها ...
هي بتقول: (( الف شكر لك عمو .. تأكد انني لما اكبر سأكون من يكفكف دموع أطفال العالم الأبرياء .. سأداويهم .. سأتبرع لهم بكل جهدي ووقتي ومالي ان كان لي مال .. ألف قبلة لك عمو أنت رائع للغاية )) ..
واضح يا أبو طه ان (لينا) بتثبتك .. هم أطفال غزة هيستنوها لما تكبر؟! .. ياااااااااااااااه .. ده هيكون فيه ناس ماتت وناس تانية اتولدت وهيبقى العالم غير العالم .. شكلها كده مش هنعرف نخرج منها بأي تبرع لأخواتها أطفال غزة ...
طيب يا ستي أنكل (محمود) بيقولك اتبرعي لهم بهدايا عيد ميلادك ... ايه انتي مسخسراها فيهم وللا ايه ؟!! ... طيب أقولك خليلك هديتين تلاتة واتبرعي لهم بالباقي...
........................................................................................
روحك المرحة وأسلوبك الطريف فى تعليقاتك فى المدونات التانية ...
غير أسلوبك فى الكتابة خااااااااااااااالص ...
........................................................................................
دخلت أنشد الابتسام فى مدونتك ... خرجت مدمع العينين ...
الله يجازيك يا محمود ...
في27,تشرين الثاني,2007 - 08:10 مساءً, عادل امين كتبها ...
اخى الحبيب محمود وراء ابتسامتك
ووراء كلماتك المتراقصه
حزن عبقرى
حزن يخترق الآخر ويغزوه ويسطر عليه ليحوله الى انسان
اخى لى صديق فنان تشكيلى دكتور فى الجامعه اسمه ياسر منجى كنت اتحدث معه يوما فاغروقت عيناه بالدمع واخرج منديلا من جيبه وهو يتمتم بصوت منخفض انت مؤلم
نعم يا صديقى انت مؤلم فلقد وضعتنى اما نفسى ورأيتنى وانا اضحك مع ابنائى.... وابنائى الاخرين هناك لا يجدون ابا يحدثهم كانوا وهم صغارحينما يقبلون من مدارسهم احتضنهم وارفعهم الى اعلى هكذا كانوا يطلبون وانزلهم الى حضنى ..... اما ابنائى هناك فنرى من يطأهم باقدامه ولا يتحرك فينا سا كنا ...... هنا ينام الاطفال.... هنا يتدثر الاطفال فى الايام البارده...... هناك كل ايامهم منتهى البروده لا دفء فيها الا ما يبعثه ما تفجر من بارود....... ليت صدرى يتسع لارسم عليه خارطة جديده تضم وطنا نقيا لكل هؤلاء .................................
اخى ادميتنى
منك لله.........................................اشكرك........شكرا لينا
في27,تشرين الثاني,2007 - 11:36 مساءً, عمر الشرقاوى كتبها ...
حزن يملاء قلبك ويملاء قلوبنا لا نملك الا الدعاء اللهم فك اسر الماسورين وانصر الاسلام والمسلمين
في28,تشرين الثاني,2007 - 03:09 صباحاً, salwa jalal كتبها ...
أتقنت اختيار هداياك
وحولت الأنظار من الواقع الفردي المتنوع والمختلف من شخص إلى شخص
إلى إحدى القضايا الأم
كيف نحتفل وغزة في الأسر
كيف نحتفل وأهلنا يرسفون في أغلال الحجر والقهر
تستحق هديتك أن تعمم على كل حفل
في28,تشرين الثاني,2007 - 04:50 صباحاً, منى كتبها ...
محمود دعني اقدم لك انحناءة احترام
بعيدا عن النفاق والمجاملة
عزيزي
ليتنا نستطيع مزج الفرح بالواقع والابتعاد عن الخيال
فلينا عيد ميلادها وهناك من عيده تحت التراب
وهناك من ميلاده عند الركام
وهناك من ميلاده ينتظر ان ينقض عليه ليقتله
وهناك من لاميلاد لهم ولا يحزنون
احتراماتي
في28,تشرين الثاني,2007 - 06:44 صباحاً, محمود كتبها ...
أخى الإسكندرانى
أيها المناضل بالحرف
يا صاحب الكلمة الحرة الشجاعة
نعم يا صديقى
غزة لم و لن تنكسر بفضل من الله و عزيمة أبناءها
شكرا لتشريف مدونتى المتواضعة بكلماتك النارية الحانية
في28,تشرين الثاني,2007 - 06:46 صباحاً, محمود كتبها ...
لينا الحبية الغالية
يا وردة فى حديقتنا العربية
تسلمى يا لينا و شكرا على قبولك هديتى
في28,تشرين الثاني,2007 - 06:48 صباحاً, محمود كتبها ...
أختنا الرائعة و المتألقة نجاح
رب صدفة خير من ألف ميعاد
و الحمد لله إنك و جدينى عند الإسكنرانى الغالى
في28,تشرين الثاني,2007 - 06:49 صباحاً, محمود كتبها ...
إخواننا هنا المقاومة
و هنا أيضا المقاومة
و فى كل أغلب مدونات مكتوب تتجمع المقاومة كل مدون بأسلوبه
شكرا على المرور
في28,تشرين الثاني,2007 - 06:51 صباحاً, محمود كتبها ...
أخى الحبيب و أستاذى الكبير دائما
مفتاح الكاديكى
أعلم كثرة إنشغالك هذه الأيام
و الحمد لله أنك معى دائما بقلبك و قلمك
في28,تشرين الثاني,2007 - 06:52 صباحاً, محمود كتبها ...
أخى الحبيب و المظلوم دائما و لكن يتمتع بصبر الرجال
نوافذ العرب
أخبارك إيه كام يوم ما فيش أخبار جديدة بس النهاردة رائع فى كل شئ
تحياتى و إحترامى
في28,تشرين الثاني,2007 - 06:54 صباحاً, محمود كتبها ...
أختى الشاعرة الكبيرة
إيمان العرفاوى
صاحبة الكلمة النارية الممتزجة بإبتسامة السخرية
يعجبنى فى كتاباتك عندما تخرجين لسانك للظلم
أسلوبك رائع
في28,تشرين الثاني,2007 - 06:57 صباحاً, محمود كتبها ...
أخى الحبيب المفتكس
إنت اللى فهمتهاو هى طايرة و الله العظيم
معلش سامحها لسه صغيرة
تحياى و إحترامى و شكرا على الإفتكاسة الجديدة
تعبتك اليومين دول
بس التعليق الأخير فى علشان إنت مصرى هو اللى لازم يكون إفتكاسة لوحده
تسلم إيديك يا صوت مصر الساخر ( محمود عفيفى الجديد )
في28,تشرين الثاني,2007 - 06:59 صباحاً, محمود كتبها ...
أستاذى و أخى و حبيبى عادل أمين
لما أقول إنت أستاذ و الله مش كفاية
سامحنا لعقم الكلمات و الحروف و تقصيرنا فى التعبير عن حبنا لك
و لكن بالمناكفة يكون الحب و يا سلام بقى مع واحد حمي و صلحهههههههههههههههههه
في28,تشرين الثاني,2007 - 07:00 صباحاً, محمود كتبها ...
حبيبى الغالى عمر الشرقاوى
ما هو إلا لسان حالنا أردنا أن نورثه للجيل القادم حتى لا ينبهر بالغرب و يصدق
الصهيونية و دعاياتهم
تحياتى يا عبقرى
في28,تشرين الثاني,2007 - 07:02 صباحاً, محمود كتبها ...
أختنا الغالية
سلوى جلال
منك تعلمنا أن نقول لا للنفاق
و منك تعلمنا أن تكون الكلمة فى مكانها لأنها رسالة
تحياتى و إحترامى
في28,تشرين الثاني,2007 - 07:04 صباحاً, محمود كتبها ...
أختى الغالية منى
لخصت فأوجعت
ده إنت طلعتى مليانة أكثر منى
تحياتى و إحترامى
في28,تشرين الثاني,2007 - 12:18 مساءً, هيثم ابوخليل كتبها ...
صور صادمه ...جزاكم الله كل خير ..علشان نفوق ...
أشكرك علي مرورك .... وهناك إدراج الآن علي مدونتي للكبار فقط ... وممنوع دخول مرضي القلب ... كما أن إمتحان أول الشهر يوم السبت القادم .... برجاء الحضور للمدونة بزي المدرسة والساندوتشات بس تكون عيش فينو لإن عيش الفقراء في مصر سيختفي قريباً فلا بقاء لمصري فقير .. البقاء للأغنياء فقط وليذهب ..يدوبك 90 % من الشعب للجحيم ..!!!
في28,تشرين الثاني,2007 - 03:06 مساءً, عادل سامى كتبها ...
السلامة عليكم ورحمة الله وبركاته
مررت للتحية
واعذرنى لعد التعليق فى صلب الموضوع لانى كففت عن هذه العادة تقريبا
في28,تشرين الثاني,2007 - 03:37 مساءً, ريما الشيخ كتبها ...
اخي الرائع محمود
دمت متميزا دائما
تحياتي القلبية لك على هذا الادراج القيم
ودي وكل اعتزازي بك
في28,تشرين الثاني,2007 - 04:34 مساءً, محمود كتبها ...
أخى الحبيب هيثم أبو خليل
تسلم على المرور
بتعرف تسرق منى الإبتسامة زى عوايدك
تحياتى و إحترامى
في28,تشرين الثاني,2007 - 04:36 مساءً, محمود كتبها ...
أختى الكريمة و الشاعرة الرقيقة
تسلمى على المرور العاطر و أشعر بنض أشعارك حتى فى تعليقاتك
في28,تشرين الثاني,2007 - 04:38 مساءً, محمود كتبها ...
إبنى الغالى و المتميز
عادل سامى
دائما نشيط و الإبتسامة على ومجهى لما أقرأ مدونتك أو تعليقاتك
تسلم إيديك و لوحة المفاتيح
في28,تشرين الثاني,2007 - 05:51 مساءً, محمد العيسى كتبها ...
كل عام ولينا بالف خير
وعقبل اللف سنة يااااااارب
دمت بالف خير اخي العزيز
في28,تشرين الثاني,2007 - 08:28 مساءً, محمد الناصري كتبها ...
استاذي العزيز محمود
هذا هو ضمير الامه الذي تجمد
تعلم بالامس كنت بتفرج علي التليفزيون
و كان فيه افتتاح مهرجان القاهره السنيمائى
و تتابع دخول النجوم و النجمات بملابس السهره
و البدل الانيقه و المكياجات و العطور طبعا
دة غير تكلفه الحفله اللي فيها من الابره للصاروخ
و في مشاهد استفزازيه رهيبه جلست انظر
الي ما حولي فوجد اننا شعب بلا مشاكل
نعم بلا مشاكل خلاص اكلنا و شربنا و لبسنا
طبعا اكيد لبسنا و اشتغلنا و مبقاش فاضل الا
اننا نقعد و نتفرج علي مهرجان السنيما و ادينا بنتفرج
احمدك يا رب
في28,تشرين الثاني,2007 - 09:24 مساءً, عادل سعيد كتبها ...
الله يسامحك يا محمود
بجد و الله مؤلم
موش كفاية علينا هيثم ابو خليل
في28,تشرين الثاني,2007 - 09:44 مساءً, روح الشـــــــرق كتبها ...
محمود
اعجزت القلم عن الرد
ما قلته
نحتاجه جدااااا
اقصد الكلمات وليس التبرع
آه لو تعلم
او تحيى بضعة ايام بين اهل فلسطين
لعلمت كيف يحيون
لا اريد الكلام
فشعبي ما زال الاقوى
وما زال بكامل كبريائه وعنفوانه
حتى قلمي يرفض الكلم
لانا امة الكلام قد سئمنا الكلام
ولم يبقى الا الصمت
فلربما يكون يوما ابلغ من اي كلام
لا اريد ان ازيد
وليس من قلة الكلام او الحروف او التعبير عما يحدث
انما من يأس قلمي بواقع مرير ........مرير ومظلم
نسال الله النصر القريب
اشكرك اخي ودعني ارحل عن مدونتك
وانا يعتصرني الالم وتتساقط دمعاتي من حر الوجع
وكما قالوا سابقا الوجع ما بيالم الا صاحبه
ونحن اصحاب الوجع فدعوه يؤلمنا حتى يمل منا
او يقضي علينا....
سلمت يمناك ودمت بود
في29,تشرين الثاني,2007 - 03:32 صباحاً, محمود كتبها ...
أخى الكريم محمدالعيسى
و إنت بخير
و العرب كلهم تحت ظلال أنابوليس مؤئمر أو مؤامرة إبليس
شكرا على المرور اللطيف أخى
في29,تشرين الثاني,2007 - 03:35 صباحاً, محمود كتبها ...
أخى الرائع محمد الناصرى
دى حقيقة مجتمعنا العربى المخدر حتى النخاع الآن
بس صدقنى لم يعد هناك ما نتفرج عليه إلا هذا المفروض أو المقرر منهم زيادة فى جرعة
التخدير حتى نصاب بالشلل الفكرى و العقم الأيدولوجى
تحياتى لك حبيب القلب
في29,تشرين الثاني,2007 - 03:36 صباحاً, محمود كتبها ...
أخى الحبيب عادل سعيد الراقى دائما
لم يعد لدينا ما نفعله فكما تعلم لا يجوز التعبير عن الغضب الكامن بالصدور إلا بالحقائق
تحياتى و إحترامى
في29,تشرين الثاني,2007 - 03:42 صباحاً, محمود كتبها ...
أختى الكريمة و الرائعة توأم الروح
روح الشرق
فلسطين لم تكن فى يوم من إلا إسلامية و صدقينى أختنا الغالية فكل مسلم على وجه
اللأرض إنما هو فلسطينى
و كل فلسطينى هو مسلم و إن كان من نصارى فلسطين
أختى الكريمة
تذكرى صلاح الدين هذا القائد العظيم و إن كان من أصول كردية إلا أن مسلم و لم يكن فى
يوم من الأيام عربى
لذا أختى فقضيتك قضيتنا
و همك همنا
و جرحك جرحنا
و عدوك عدون
شكرا لك أختى على المشاركة الرقيقة و تقبلى تحياتى
في29,تشرين الثاني,2007 - 04:11 صباحاً, سـامية عبد المطلب كتبها ...
أيه ده يا محمود.. أنا عارفة أنك محب للناس وللخير..
لكن كلامك فوق.. كلام واحد بيفكر ليل ونهار في أطفال وطننا.. زي ما يكونوا من لحمه ودمه بالضبط.. أنا خلصت على المقالة دي علبة كلينكس..
يعني إزاي نبلع اللقمة.. بعد النهاردة..
المشكلة يا محمود ان الجهات الموثوق فيها للتبرع.. غير معلومة.. والناس عايزة تتأكد أن الطفل اللي بيبكي فوق.. هيعرف يمسح دمعته.. ان كان على اصحاب القلوب المحبة الكريمة.. هم الحمد لله كثيرون..
لكن الطريق لابد يكون واضح وموثوق فيه.. وتلك رسالتي للجهات الأعلامية الفلسطينية وغيرها.. كي تصل بين اليد التي تربت والطفل الذي يبكي..
تحيــاتي لك... وفيه موضوع عن اتحاد المدونين.. يمكن يهمك.. وياريت كمان أخونا الصغنن المفتكس يقول لنا فيه رأي فستكاوي..
في29,تشرين الثاني,2007 - 05:35 صباحاً, محمود كتبها ...
أستاذتى الكبيرة و العظيمة
سامية عبد المطلب
عظمة على عظمة يا ست
و طبعا دى لا تخص أى إنسان غيرك زى ما إنت عارفة
تحياتى و إحترامى
في29,تشرين الثاني,2007 - 10:46 صباحاً, @شاعرالأحزان*** احمد هيكل@ كتبها ...
اخي محمود
مش عرف اعلق بأ يه
بجد والله
مش قدر املك اعصبي
ودمعي سال علي خدي
وحيا ة ربنا
ليه بتعمل فينه كده
والله قلبي ضعيف جداااااً
انتظر ني لي عووووووده
بلا عنون
عُنواني .. صَعْبٌ أنْ يُعرَفْ
عُنواني .. قطرةُ ماءٍ تَغرقُ في بحرِ الظُلُماتْ
كلماتٌ حَذَفوها من كُتُبِ التوراةْ
أقدَسُ كلماتْ
أسطورةُ حُبٍّ سَطَّرَها قلبي .. إخلاصاً وصلاةْ
وبدأتُ أُفَتِشُ عَنْ عُنواني