الذى جعل الإسلام لنا عزا
قلت بدل القعدة و الكتابة فى سيرة الناس اللى تسوى اللى إحنا عارفينهم
أو الناس اللى ما تسواش اللى هما عارفين نفسهم
و بدل الزعل مع الإخوة المدونين اللى حاطينى فى قائمة ممنوع التعليق فى مدوناتهم
و علشان نفرح العيال حبايبنا المدونين الطيبين مرة فى حياتهم و نرسم بسمة على وجوههم
دورت فى الدفاتر القديمة لقيت
كلمات أغنية هلس للشيخ سيد درويش
قلت نكتبها لكم
و برضه حيكون كلام الجماعة المتدينين حبايبنا فى
نقدنا أرحم و فيه بركة
لأنهم على الأقل حيدعوا لنا بالهداية
و آدى الأغنية رغم المسخرة اللى فيها والتورية
إلا إنها بتخاطب الجميع
الجاهل اللى مثلى
و المثقف اللى مثلى برضه
و كمان بتخاطب المدون الفذ اللى مفيش زيه فى
الدنيا
اللى هو برضه مثلى
إقروا و تمعنوا فى الكلمات
لحد ما ألاقى كلمات الأغنية العظيمة المعانى التى خاطبت وجدان الشعب العربى من المحيج إلى الخليط ( هى كده و اللى مش عاجبه خليها تعجبه لأن ده إصطلاح من تأليفى أيام الشباب - يعنى أيام لما كنت عضو فى التنظيم السري دوس على السيجارة لمحاربة التخميس بين أعضاء نا